Das isch denn aber au s spannendschte am ganze Match gsi...

Het rächt dass er goot. Besser wird's nimme, und irgendwie ha ych's Gfyhl ghaa dä het kenne mache was er het well, är isch immer vo irgendnaime häär aagfiggt woorde.

D Noochfolg wird no spannend. Es bruucht uff jeede Fall aine wo mit dääne Divas kaa umgoo, ych waiss nit eb dr Fischer wo jo favorisiert wird dr richtig wäär fir das. Dr Dschiihri het grad nyt z due...

Uff dä hätt ych jetz nit tippt!

D Fantis sinn bim Muri synere Première als Nati-Coach hit zoobe im Stadion. Vyllicht gsehn mer jo d FCB-Neiverpflichtig Dan Ndoye im Yyysatz, es sinn jo sunscht wääge Verletzige etc. kuum Styrmer umme.

Noch dr Hundsverlochete vom letschte Mittwuch goot's hit zoobe ewäng anders zue und häär im Joggeli. Es wäärde yber 30'000 im Stadion syy, d Mehrhait wohrschyynlig mit "cuore blu". Au in Beschtbsetzig hätt CH kuum e Chance, und mit em aggduelle Team wiird's eerscht rächt ain an Pinsel gää. Aber wär waiss, "Der Ball hat 90 Minuten" resp. "Ein Spiel ist rund"...

Es isch e tolle und sehr stimmigsvolle Fuessball-Oobe gsii! CH vor allem in dr zwaite Halbzyt yberraschend guet, dr Sommer aimool mee mit ere Klasselaischtig und em Fabian hätt ych soon e Match nit zuedraut, Schappoo! Underirdisch wie scho an dr EM dr Rodriguez; wo denn ändlig dr Garcia koo isch ha ych uffgschnuuft, vyyl besser isch dä aber au nit gsii...

Irgendwie scho schreeg resp. vor allem ungwohnt: Innerhalb vo 10 Daag ha ych jetz drei Spiil gsee mit insgesamt rund 85'000 Zueschauer...

Wird e zäächi Sach. E humorlooses AinsNull längt.

Schlimmer als befürchtet gsi. Ych wär gscheiter go penne!

1:0 zer Pause. Mi het's Gool in dr 2. Minute reguläär dunggt. Abselut biirewaich die Gäälrooti: nadierlig gheert e Verwaarnig aane wääge Spiilverzeegerig, aber denn git me die doch nit grad usgrächnet däm vo scho verwarnt isch wenn alli andere zää au Zyt schinde wo's numme goot. Stargg findi vor allem dr Shaqiri, au dr Embolo gfallt.

2:0 zemänd. Beschaide gäägen e schwache Gäägner wo mee als ai Halbzyt lang in Underzahl gspiilt het. Doodermit längt's dängg fir Blatz 2 in dr Gruppe. Dernoo kennt's denn je noch Usloosig no schwäär wäärde in Sache WM-Quali...

Sehr schaad dass dr Breel verletzt isch, dä het in letschter Zyt in dr Nati und im Club e rächte Lauf ghaa. Jänu, ych dängg au mit iim und em Elvedi und em Zuber und em Xhaka hätt's nit glängt. Was dernoo kunnt kaa je noch Gäägner no e ganz haissi Sach wäärde...

E gueti eerschti Halbzyt vo CH. Sommer mit "big save" und "big flop"...