Sodeli, jetz saag ych VYYLE DANGG!!!

Bi irgendwie sprooch- resp. schryyblos...

Noch dr Gäälroote ha ych dä Match abghöögglet, aber was denn noch dr Pause bassiert sich gränzt ewäng an Wahnsinn. E "Shaqtrick" innerhalb vo nyyn Minute - was dä Maa abliiferet sprängt die gschpunnenschte Erwaartige... Schyynts macht YB jo glygglig, also, leent die Gämfer nit gwynne...

Schlächti eerschti Halbzyt vom FCB. Vor allem hinde z vyyl Fähler und Unkonzertrierthaite, vorrne laufft au nit vyyl. Und denn als Diefpunggt die Gäälrooti fir dr Ajeti, wobyy me bis jetz noonig gseh het fir was er die zwait Kaarte bikoo het. Esoo wird das nyt hit zoobe, ych wäär scho sehr zfriide mit aim Punggt. Aber ych galu mir gehn läär us...

Edit: Jetz het me's ghseh. Dä Dudic het aifach e Schuss in dr Waffle.

Merci Zueschauer!

Au ych fyyr eerrscht wenn's wirgglig sowyt isch, aber es miesst scho schampar vyyl schief lauffe...

Es isch s erhoffte Fuessball-Fescht woorde! E sehr gueti 1. Halbzyt het dr Match in die fir uns richtige Bahne glänggt, und kurz noch dr Pause het sich Servette denn mit dr Gäälroote no sälber gschwächt. D Stimmig im Stadion isch zem Dail abaartig gsii, das erinneret ewäng an die legendäär Saison 2002/03.

Schwierig irgendain uusezheebe, aber als MotM kunnt aim halt scho als eerschts dr Ajeti in Sinn wo ändlig wieder emool - und eerscht no dopplet! - droffe het. Au dr Vouilloz wieder saggstargg und au no mit eme Gool. Und dr Shaq isch halt dr Shaq...

Jetz dr Sagg so schnäll wie meeglig zuemache, aber Lugano uswäärts wird kai Spaziergang...

Lägg isch das e gaile Nomidaag gsii!

Lausanne wie erwaartet ufsässig und miehsam zem Bespiile, d Fiehrig zer Pause ich verdient gsii. Denn aber het dr FCB s Spiil in d Hand resp. d Fiess gnoo. Laider het me's noch em 1:1 verbasst noochezdopple, s 1:2 denn us em nyt. D Stimmig drotzdäm dr Hammer, erscht rächt noch em erneite Usglyych. Und denn d Explosioon bim Gool vom Leroy...

Fir mi MotM dr Vouilloz. Dä het alles abgruumt, saggstargg! Dr Räscht guet, abgfalle isch kaine. Dr Avdullahu allerdings het ungwehnlig vyyl Fähler gmacht, vor allem in dr eerschte Viertelstund. Dernoo het er sich gstaigeret und das Niveau erraicht vo me vo iim gwohnt isch.

Jetz also Göpfinal gääge Biel. Gwunne isch doo no gar nyt, aber ych bi zuversichtlig dass dr FCB die Uffgoob ärnscht gnueg nimmt und dä Kyybel hoolt. HOPP FCB!

Halbfinal FA Cup: Rootblau (Crystal Palace) gääge Wyss (Aston Villa) 3:0 - hoffentlig e guets Omen fir moorn...

Sehr yberzygendi eerschti Halbzyt! Shaq wieder emool yberragend, aber au dr Otteli und Traoré saggstargg. Und nadierlig wie aigetlig immer dr Avdullahu, dä wiird ys näggschti Säsong fähle...

Unseri "Gaschtblätz" im C4 Parkett Raihe 21 sinn scho no toll gsii, me het e saugueti Ybersicht. Aber mir fraien ys drotzdäm wieder uff's D2 am näggschte Sunntig.

Schaad het's s 2:2 vo Luzärn nit zellt. Wie me doo als Schiiri uff em Blatz und im Käller kaa uff Styrmerfoul entschaide isch e Skandal. Aber laider jo au nyt Neis... So gehn mer halt numme mit 6 Pinggt Vorsprung in d Maischterrundi; wobyy: dangg Goolverhältnis sinn's jo aigetlig 7. 'mol luege wie dr Spiilblaan usgseht...

Gspiilt wiird jo hitte au no. Aifach wiird's nit, Yverdon bruuchr Pinggt im Abstiigskampf. Aber wenn me Maischter wäärde will muss me nadierlig so Mätsch gwynne, doorum drei Pinggt hoole, egal wie.

Ych hoff alli D-ParkettlerInne wo wänn goo hänn e Ersatz Ticket ergattere kenn, d Fantis hogge im C4 Parkett. HOPP FCB!!

Wenn ych schriib was ych yber die Frau dängg bikumm ych lääbelangs Internet-Verbot...

D Fantis wäärde "fremdele", mir hänn Tix im C4 Parkett ergattere kenne HOPP FCB!

Scheeni Feerie "dehai"!!

Unglaublig - ZWAI gueti Halbzyte vom FCB!!!

Wobyy: Es isch nadierlig fir uns gloffe. Kurz vor dr Pause das Zaubergool vom Shaq und kurz dernoo dr Naggeschlaag dangg ZH-Muure im Schilf (und nadierlig fräch usgnutzt vom Kapitään). Ooni VAR hätt's e Riiseklatsche fir Zi!rü gää. Naimeduure hänn si jo rächt ghaa im Käller, aber wenn me s Gool vom Kade wääge Offside vom Shaq wo dernoo e Stricher - huch! - bedrängt nit git, het das myner Mainig noch nyt me mit Fuessball z due. Und bim Gool vom Kevin Carlos isch s Offside vom Shaq jo offesichtlig gsii - wieso het dr Globi an dr Sytelinie nit gwungge?!?

Jänu, das sinn drei wichtige Pinggt gsii! Wenn jetz moorn YB und Servette stolpere daarf me wirgglig aafange draume...

Gueti eerschti Halbzyt mit zwai gaile Döpf. Aber die Sach isch no lang nit entschiide...

Wil YB vor allem gääge die "Glaine" Pinggt liige losst und die jo denn in dr Finalrundi nit derbyy sinn wäär's scho scheen d Bäärner ewäng uff Distanz halte. Aber au fir mi wäär e Sieg im Letzi e Yberraschig, doorum hoff ych emool uff e Unentschiide - und e "Stolperer" vo YB in Luzärn...

Zitat von Kopfschüttler im Beitrag #4

---

Waarted aifach no e Joor, denn hänn dr Fanti und ych Zyt und übernähme im Dobelmandat...

---