Sodeli, Liibli bschtellt. Aber ooni "2020"-Uffdrugg, ych will nimme an das Sch***joor erinneret wäärde. Wobyy; vyllicht wird jo s 2021 no schlimmer... Und e Sitzblatzbeschriftig bruuch ych au nit, im D-Parkett macht das kai Sinn.
"Im Waarekorb no ändere" isch au fir mi am Aafang ewäng verwirrend gsii. Au doof: ych ha d SK vo dr Fantine dr Aifachhait halber mit mynere Kreditkarte zahle welle - goot nit, Namme vom Kund und dä uff dr Kaarte mien glyych syy (okay, daasch dailwyys au bi andere Online-Aabieter esoo).
Wie au immer, mir hänn Variante 3 buecht. Aber ych gang nit dervoo us dass ych in dr lauffende Säsong nomool ins Stadion kaa go.
Gemäss BaZ vo hitte hänn 12'000 Lyt d JK resp. S(äsong)K verlängeret, dervoo hänn 70% d Gratisvariante gwählt. Ych ha erwaartet d Understytzig sygg ewäng greesser, jänusodenn...
Mir gfallt si au nit. Ych lueg amme lieber vorwärts als zrugg, und vor allem ha ych d Nase gstriche voll vo däm ganze Corona-Gschrei. Klar mien mer no e rächti Zyt mit däm Schaiss lääbe, aber grad wääge däm bruuch ych ze allem aane nit au no e "Erinnerig" draa mit dr Blaggedde.
Boschte wird ych si drotzdäm. Mir wäärde dr Erlös us unserem aigene Blaggedde-Verkauf und au d Comité-Subvenzioone wo's gää wird unsere "Zueliiferer" z guet koo losse, doorum isch dr Kauff Ehresach. Eb ych mer allerdings die Schyssirolle wirgglig an Kittel hängg waiss ych ehrlig gsait au no nit...
D Fantis wyntsche alle Poetinne und Poete plus Familie scheeni Wiehnacht und e guete Rutsch in e hoffentlig bessers 2021!
Was blyybt vo däm 2020? Nadierlig vyyl Abgsaits, Verschoobes und Yyschränggige in vyyle Beryych. Bim Versuech au Bositivs z finde sinn er aber doch au fyndig woorde: - Mir sinn die ganz Zyt gsund gsii (und hoffe das au z blyybe)! - Mir hänn in unserem Umfäld niemerts duur dä Virus verloore. Und die weenige wo's verwytscht het sinn glimpflig ewägg koo. - Mir hänn "dangg" em Kreta-Storno Feerie in dr Schwyz entdeggt und e tolli Wuche in Zermatt verbrocht. - Mir hänn drotzdäm im Auguscht kenne uff Edinburgh goo und die Stadt in eme Zuestand erläbt wie no nie. - "Myni" Kansas City Chiefs hänn noch 50 Joor ändlig wieder emool dr Super Bowl gwunne!
Zitat von Captain Sky im Beitrag #2Ein Sieg wäre wichtig, um den Anschluss an YB nicht ganz zu verlieren.
Stimmt, die hänn jo geschter gwunne. Ha das eerscht hitte Midaag mitbikoo . Aber irgendwie goot alles ewäng an mir verbyy, scho letschte Samschtig Oobe het d Fantine irgendwenn emool gfrogt was aigetlig dr FCB gmacht haig...
Du hesch rächt, wenn YB s Noochdraags-Spiil gwynnt kenne si dr Schampus jetz scho in d Kiehli due...
FCB-Poeten-Forum » Foren Suche nach Inhalten von Fanti
Gestern 08:03
Und e Sitzblatzbeschriftig bruuch ych au nit, im D-Parkett macht das kai Sinn.
