Dr Halbfinal gääge dr "Angschtgäägner" wird sicher kai aifachi Sach. Lausanne isch dängg noch dr Quali zer Maischterrundi guet druff. Allerdings merggt men e d Abwääsehait vom Sanches scho aa, ych find dä e geniale Spiiler. Sehr beduurlich dass er sich bin eme Dail-Yysatz in eme unbedyttende Nati-Gingg so schwäär verletzt het.
Ych nimm emool aa dr Celestini fangt mit synere Stamm-Elf aa, das het jo in de letschte Wuche sehr guet funggtioniert. Und vyllicht drifft jo dr Albi ändlig emool, verdient hätt er's! Mir fraien ys noch em "Exil" im C4 dr Match wieder in dr MK verfolge z kenne.
Breathes there the man, with soul so dead Who never to himself hath said This is my own, my native land!
Lausanne wie erwaartet ufsässig und miehsam zem Bespiile, d Fiehrig zer Pause ich verdient gsii. Denn aber het dr FCB s Spiil in d Hand resp. d Fiess gnoo. Laider het me's noch em 1:1 verbasst noochezdopple, s 1:2 denn us em nyt. D Stimmig drotzdäm dr Hammer, erscht rächt noch em erneite Usglyych. Und denn d Explosioon bim Gool vom Leroy...
Fir mi MotM dr Vouilloz. Dä het alles abgruumt, saggstargg! Dr Räscht guet, abgfalle isch kaine. Dr Avdullahu allerdings het ungwehnlig vyyl Fähler gmacht, vor allem in dr eerschte Viertelstund. Dernoo het er sich gstaigeret und das Niveau erraicht vo me vo iim gwohnt isch.
Jetz also Göpfinal gääge Biel. Gwunne isch doo no gar nyt, aber ych bi zuversichtlig dass dr FCB die Uffgoob ärnscht gnueg nimmt und dä Kyybel hoolt. HOPP FCB!
Breathes there the man, with soul so dead Who never to himself hath said This is my own, my native land!
FCB-Poeten-Forum
Thema drucken
26.04.2025 15:07
Antworten
