Fir uns goot's jo um nyt me, fir Luzärn aber scho: die kenne mit eme Sieg no 4. wäärde und sich fir Europa qualifiziere. Dorum git's glaub ain an Pinsel, aifach bitte nit grad 2:6...
E Stund vor Aapfiff haisst's denn no "Aadie Davide und Tauli". Em eerschte vyyl Spass mit em Muri (falls das ain wird...) und em zwaite merci fir alles, bi aber irgendwie drotzdäm froh wenn er denn ewägg isch. Es git denn no langen Oobe mit Kybel-Ybergoob und Paraade vo Haiwoog zem Seibi, in däm Fall dr grooss Flachmaa yypagge (mit LAGG dinne, Slainte!).
Und zer Erinnerig doo nomool s "P.S" vom mym Seibi Jungi Garde-Zeedel 2025:
P.S.: Bi Redaggzioonsschluss vo däm Zeedel Isch Rootblau uff em zwaite Rang Das isch jo scho zimlig eedel Doch mir alli hänn dr Drang Im Mai uff unsrem Seibi z stoo Und d Mannschaft gsee dr Kiibel stämme Wo sii als Maischter hänn bikoo Und denn singe alli zämme:
«In dr Tabälle, sinn no Blätzli frei No wyter hinde, uff Blatz zwai oder drei S wiird eych nit gfalle, und zwoor eych alle, Vo Gänf bis uff St. Galle!»
Breathes there the man, with soul so dead Who never to himself hath said This is my own, my native land!