Sodeli, hitte goot's los mit dr Fuessball-EM. Zem Glygg isch es noch dr letschte WM wieder e Turnier in eme "Fuessball-Land" und doodermit e stimmigsvolli Sach. Vor allem wenn Dytschland wyt kunnt, und ych drau ene drotz de mässige Resultat und Laischtige in de baide letschte Teschtspiil ainiges zue. Nadierlieg gheert au Franggryych wie immer zue de Favorite, und vyliicht schaffe's jo ändlig d Ängländer wieder emool e groosse Titel gwynne. Ych dängg es git e spannendi Sach und ych frai mi uff e huffe Fuessball-Stund vor em TV.

D Schwyz wiird wohrschyynlig als aine vo de beschte Gruppedritte grad no d KO-Phase erraiche, dernoo isch aber zimmlig sicher Schluss. Und d Schotte? Si wäärde wohl dr Wunsch vo Del Amitri us aim vo de beschte Turnier-Songs ever us em 1998 aimool mee nit erfylle...


https://www.youtube.com/watch?v=2T68AXsUAEI

S Nationalhymne-Singe hänn d Schotte klar gwunnd, jetz aber wäärde si underduure miesse - ZwaiNull Dytschland.

1:1, mee liigt nit dinn.

Mööge mir dr Ängländer? Oder hett dene s very-last-minute-goal im Achtelfinal ächscht dr Knopf im dümmschte Momänt göffnet?

Ha kai guet's Gfyhl, loss mi aber gärn vom Gäägedail yberrasche.