Bi mir im Momänt noonig sicher, welle "Verain" mir mehr uff dr Sänggel goht. Die Knallköpf vom Verband, wo s Gfühl hänn, so Stroofe bewirgge ebbis und s drääffi die "Richtige" oder die prügelfreudige "Dumm gege Blöd" wo mit ihrem Schwachsinn dausige andere d Mögligkait vom Matchluege nähme.
S drifft mi zwar nidd diräggt, will mir morn uff Schottland in d Ferie fliege, ha aber unseri Ticket ere Kollegin wytergäh, wo sich scho sehr gfreut hett. Und s närvt aifach. Und s Gipfeli isch - wenns stimmt - dass es gege Schaissziri kaini Sanktione git. Wie hohl muess me aigentlig si, um in dämm Verband e Job z bikoh?
Ahjo... Tipp gits kaine. Aifach e Haimsiig yyfahre, bitte. Dangge.
Hmmmmmm.... ych wags fascht nidd z schryybe, aber e Usswärtssiig in Ziri wär scho no e nätti Überraschig. Denn könnt ych moll beruhigt in d Ferie (am Mittwuch gohts uff Schottland...). Am beschte no dr Vorsprung uff 7 Punggt ussbaue und grad no schnäll dr Titel feschtmache, während ych wäg bi. Wär nidd s erschte mool, wo ych dä in Schottland "miesst" fyyre. Will haisse: Wenns würdi klappe, nähmt ych gärn in Kauf, dass ych grad nidd umme wär.
Aber dra glaube duenn ych nidd, s wird no äng zue und härgoh bi dene glaine Abständ...
Wo hänn Dr denn daas wiider här. Die söll Trainer und Mannschaft jetzt in Rueh Schaffe loh und fertig. Und wenn si s Gfühl hänn, s bruucht unbedingt öbbis neus: Waarted aifach no e Joor, denn hänn dr Fanti und ych Zyt und übernähme im Dobelmandat...
Ych verstand Di Ussaag "GC muess uffbasse, dass si nidd abschtiige" nidd so ganz. Goht doch völlig in Ordnig. Am beschte mit Winterthur zämme, denn ai Zircher Mannschaft in dr NLA isch scho mehr als gnuegg...
Die erscht Halbzyt hett mir gfalle. Gueti Zwaikämpf, geute Vorwärtsdrang, nur hätt me 1-2 Goal mehr miesse schiesse, denn hätts au kei Zittere me gäh. Rüggwirgend betrachtet, isch dr Siig aber nie wirglig gführdet gsi, usser me hätt nomoll e Penalty kassiert. Daas isch nämlig nach minere Erinnerig effektiv dr ainzig Schuss, wo uffs Goal ko isch (plus dr Wytschuss, wo aber drüber isch...).
Dr Siig vo geschter isch Pflicht gsi. Hoffentlig wird am Sunntig noochedobbled. Aber... Finalrundi isch gschafft, scho moll guet!
Die muess me au usswärts schloh. Ych tipp moll uff e 0-2. Dr Shaq drifft und macht spööter no - als Dangg fir s Usspfiffe von de Pfiffe (jä nu... sinn halt au Zircher...) no en Assist.
Wider erwarte (nach em geschtrige 2-0 in dr "Belle" vom EHC gege Olte) goht d Yyshockey-Maischterschaft doch no bitz witer und drumm kunnts morn wiider zunere "Dobbelveraschtaltig" im Joggeli.
Zerscht dr EHC gege Visp, dernooch dr FCB gege d Bärner.
Laider isch es sälte, dass baidi gwynne, wenn si am glyyche Daag schpiile. Wenn dr FCB gwünnt, nimm ych Ussnahmswyys au e vorhärigi Niiderlaag vom EHC in Kauf.
FCB-Poeten-Forum » Foren Suche nach Inhalten von Kopfschüttler
18.05.2025 18:16
