Kai Angscht, ych tipp nit, das kunnt jo amme nit esoo guet uuse...

Fir mi isch e Sieg hit zoobe en abseluts "Muess". Wenn me oobe mithalte will mien d Haimspiil gwunne wäärde, vor allem wenn's gääge dr Zwaitletscht goot. Au wenn GC ewäng e "Angschtgäägner" isch sinn drei Pinggt Pflicht. E sehr scheene "Nääbeeffäggt" wäär jo au dass me denn scho sicher in dr Maischterrundi isch.

Ych hoff unseri mehr oder weeniger neiji IV kaa bestoo und (no) besser zämmefinde, denn dr Van Breemen und dr Barisic falle jo no länger us. Eb dr Akahomen denn im Bedaarsfall e Hilf isch...me wiird's gseh wenn's en allefalls bruucht.

Scheen wäär au wieder emool e "soorgefreie" Match im Sinn vo "zer Pause scho DreiNull vorus und denn entspannt zueleuege".

Ych wär bi deämm scheene Wätter fir e 7-1! Also daas isch kai Tipp, imfall....

Yep... e Haimsiig muess ane. Aber bi au bitz besorgt, wäg de Ussfäll in dr Abwehr. We'll see...

Das isch nit wirgglig e Glanzlaischtig gsii geschter, vor allem in dr zwaite Halbzyt. Aber: s eerschte Saisonziel isch erraicht, mir sinn in der Maischterrundi . Und wieder Leader, wobyy dass mit Bligg uff e Sunntig aigetlig e Saich isch, denn als Tabällefiehrer gwynnt me in dr Guggummere-Liga in dr Reegel nit...

D IV het mer geschter gfalle, aber GC isch nit wirgglig e Priefstai gsii, die hänn mi saggschwach dunggt und mien uffbasse dass si zemänd nit abstiige. Mi Mähnoffdemätsch isch dr Avdullahu, sehr starggi Laischtig! Gniesse mer en no, denn ych glaub näggschti Saison wiird er - laider! - nimme bi uns spiile. Highlight nadierlig em Otteli si Hammerkischte, gnäärvt het mi dr Kevin Carlos: het kuum e Ball halte kenne und au no e Gääli abghoolt. Vyllicht isch er aagfrässe gsii dass er uff's Bänggli het miesse, drotzdäm entschuldigt das si Uffdrätte noch dr Yywäggslig nit.

Ych verstand Di Ussaag "GC muess uffbasse, dass si nidd abschtiige" nidd so ganz. Goht doch völlig in Ordnig. Am beschte mit Winterthur zämme, denn ai Zircher Mannschaft in dr NLA isch scho mehr als gnuegg...

Die erscht Halbzyt hett mir gfalle. Gueti Zwaikämpf, geute Vorwärtsdrang, nur hätt me 1-2 Goal mehr miesse schiesse, denn hätts au kei Zittere me gäh. Rüggwirgend betrachtet, isch dr Siig aber nie wirglig gführdet gsi, usser me hätt nomoll e Penalty kassiert. Daas isch nämlig nach minere Erinnerig effektiv dr ainzig Schuss, wo uffs Goal ko isch (plus dr Wytschuss, wo aber drüber isch...).

Dr Siig vo geschter isch Pflicht gsi. Hoffentlig wird am Sunntig noochedobbled. Aber... Finalrundi isch gschafft, scho moll guet!

Klar wuurd au ych's begriesse wenn die abstiige wuurde. Esoo kääm denn au s Wortspiil mit iirem Drääner zem Zuug: "Oral B"...