Numme drei Daag Pause statt fimf wie Lugano - merci SFV fir gar nyt. Derzue no die unsääglige Diskussioone um dr Drääner - vellig unneetig.
Drotz schlächte Vorzaiche hoff ych uff drei wyteri Pinggt in Richtig Europagöp-Blatz (s "M"-Woort syyg nit erwähnt, aber dr eerscht wäär jo au e Europagöp-Blatz... ). Wenn si d Laischtig vo dr 1. Halbzyt gääge GC uff 90 Minute usdehne kenne liigt e Sieg dinne, sunscht wiird's schwierig. HOPP FCB!!!
Breathes there the man, with soul so dead Who never to himself hath said This is my own, my native land!
Die eerscht Halbzyt isch eppis vom langwyyligschte gsii wo ych je in däm Stadion gseh ha. Am liebschte wäär ych haim zer Pause, bi denn aber zem Glygg bliibe...
...au wenn HZ2 nit numme e Offebaarig gsii isch. Immerhin hänn baidi Mannschafte die aint oder ander Gool-Szene aanebrocht - und dr Shaq denn wieder emool dr Bann broche. Interessant wie das Gool d Robuschthait vo de Lugano-Spiiler gstärggt het: vorhär sinn si bi jeedem Zwaikampf mit unglaublige Schmäärze liige bliibe wenn si z Boode miesse hänn, dernoo sinn aber uffsmool amme grad wieder uffgstande... Irgendwie sinn die ewäng e Dräggmannschaft woorde, ych ha se sympathischer in Erinnerig. Nadierlig hänn mer bi dr Goollinie-Rettig vom Schmid Glygg ghaa, aber dr Sieg dunggt mi verdient, au mit zwai Gool Underschied.
MotM fir mi dr Vouilloz, dä het hinde alles wägvertaidigt wo koo isch. Si Kolleeg Adjetey wieder emool mit e baar unglaublige Fählbäss, zem Glygg ooni Folge. Ych waiss, är isch no jung, aber e 10m-Bass am aigene Stroofruum in d Fiess von eme Luganer...? Sunscht wie immer sehr guet dr Avdullahu und dr Schmid, Otteli und Traoré hänn scho besseri Mätsch zaigt. Und dr Shaq kaa nääbe Standards au no Abstaube, gaile Siech!
Aber was sell's, es isch e Rundi fir uns gsii. Het in dääre verruggte Säsong aigetlig scho emool e Leader vier Pinggt Vorsprungs ghaa?!?
Breathes there the man, with soul so dead Who never to himself hath said This is my own, my native land!