So.... morn bestoht d Mögligkait, wiider moll ebbis zfyyre. Nämmlig s Erraiche vom Minimalziil vo de absolute Minimalzyyl, aka vorzytigs Verhindere, dass me uff em Barrageplatz landet. Also wenn daas kai Grund fir e volls Stadion isch?!!!

Ych bi derbi und wenn öbber no 1-2 Ticket fir dä Hammermatch bruucht: Bitte mälde, mini Daame sinn im Tessin in de Ferie (ych näggscht Wuche au wiider...)

Tipp: E diskusioonsloose Haimsiig. Denn wenn jetzt nidd dr hinderscht und letscht vo de Schpiiler sich nomoll dr Allerwärtischti uffrisst, denn waiss ych au nümm...

Team: Hitz; Vouilloz, Barisic, Adjetey, Schmid; Xhaka, Avdullahu, Frei, Kolloli, Kade; Barry

Uswäggslige: Gauto fir Kolloli, Van Breemen fir Barisic, Sigua fir Xhaka, Beney fir Kade, Ajeti fir Barry

Resultat: 3:1

Gool: Frei, Kade, Barry; Gharbi

Fans: 20'911

Und sunscht: LIGAERHALT!!! => Wenn isch d Mannschaft uff em Balkon am Seibi?!?

So, ändlig kenne mer die Sch***-Säsong mee oder weeniger abheeggle. Ych ha geschter aigetlig scho druff gwaartet dass Uschi mit eme Sunntigs-Schuss dä Match AinsNull gwynnt (okay, dä Latteknaller wär's jo scho fascht gsii...). Bim Ajeti synere Yywäggslig isch dr eerscht Gedangge richtig OMG gange, immerhin het er denn no droffe. Zem Glygg het er zeerscht dr Ball nit braicht, ych glaub d Diräggtabnahm wäär rund 15 Meter yber's Gool...

Ainzige Liechtbligg fir mi dr Adjetey (drotz sym Patzer am Aafang), dä kunnt guet resp. är isch es scho! Diefpunggt derfir wieder emool s Daibeldubeli Tauli, irgendwie bi ych froh wenn dä denn emool nimme fir uns schuttet. Und d Ewigsinger hinter em Gool fyyre dä Typ denn au no, aifach numme no pyynlig.

Vo de letschte baide Spiil erwaart ych nyt me. GC wird brobiere die glai Chance uff Blatz 10 nutze und uns am Samschtig aabeloo, und näggschte Zyschtig isch denn Kehrus-Total.