Team: Lindner; Lopez, Cömert, Djiga, Petretta; Frei, Quintilla, Kasami, Males, Stocker; Cabral

Uswäggslige: Xhaka fir Cömert (Frei in d IV), Pululu fir Males, Esposito fir Cabral, Millar fir Stocker, Palacios fir Kasami

Resultat: 4:2

Gool: Cabral (2x), Stocker, Millar; Lucas, Stenio Junior

Fans: 8'289

Und sunscht: E Tipp ins "Blaue" uuse. Kai Ahnig was unseri (scho) kenne und was d Albaner druff hänn.

Ych lähn mi moll ganz wyt usem Fänschter und behaupt: Die Albaner sinn nidd dr ganz gross Gradmässer gsi...! Ha, do hänn Dr s!

Spass bisyte. E verdiente Siig mit ai-zwai "Durchhängerli" und s Resultat hätt aigentlig no dytliger dörfe si. Aber es hett Freud gmacht und es macht Luscht uff mehr! Me hett gueti Asätz gseh, au vo de neue. Au wenn nadyrlig no ainiges noonig zämme basst hett. Uffgfalle: Vyyl Bewegig derbi gsi, gueti Balleroberige, nach em 1-0 nidd zrugg schtegge. Wyter so.

HOPP FCB!

Yep, d Gescht sinn schwach gsii. Um so mee ewäng entdyschend wievyyl Mieh dr FCB vor allem in dr eerschte Halbzyt ghaa het emool gfährlig z wäärde. Aber ebe, (fascht) alles isch nei, d Säsong no jung etc.

Mir het dr Pelmard sauguet gfalle (nit wääge dr Frisur ), ych waiss nit eb dr Klose in synere Karriere je emool so schnäll uff de Bai gsii isch wie dä... Sunscht nadierlig dr Stocker (drotz em ainte oder andere Fählbass) und dr Cabral mit sym Hammergool; hoffentlig blyybt er ys erhalte! Dr Frei als IV halt ych immer no fir e Notleesig, ych hoff s Standard-Duo wiird Cömert/Pelmard syy mit Djiga und Cardoso als Back-Ups. Im Gäägesatz zer BaZ ha ych dr Kasami nit esoo guet gfunde, irgenwie isch er mer geschter zue "nonchalant" gsii. Scheen dr Empfang fir e Michi, ych dängg är wird scho bald dr Startblatz hinderächts ha und em Lopez vor dr Sunne stoo.

Am Sunntig bi GC wiird's schwäärer, e Säsongstart mit drei Pinggt deert dunggt mi wichtig, egal wie mer si hoole...

Aigetlig sett jo in Sache Wyterkoo alles klar syy, au wenn wie immer zeerscht emool gspiilt wäärde muess. Ych tipp emool uff e langwyyligs 0:1.

Ych nimm emolle aa, dr FCB losst bi dene sehr hohe Temperature dr Gegner vorerscht s Schpiil mache und hoffentlig vyyl renne. Wenns denn länger ohni Gegegoal abgoht, wärde die andere mied und mürb und me könnt mit eme guete Konter dr Deggel druff mache.

HOPP FCB!