Tja... was will me do no saage, resp. tippe?

D Bärner wärde sich e Spass druss mache, dr FCB aimool mehr z blamiere:
1-7
0-4 nach 25 Minute
Kai Kriiseschtimmig bi Trainer und Vorstand: "Mir hänn halt vyyl verletzti und gschperrti Schpiiler, do ka daas au moll bassiere. Mir hänn au vyyl guets gseh (z.B. kain hett s Stadion nidd gfunde oder so...). Jetzt muess me halt #zämmestoh und vorwärts luege.

Apropos luege... ych nidd. Ha im Momänt tatsächlig gnueg vo dämm Drama.

Yep, Maischter Propper-Tipp.

Noch jeedem Gäägegool git's e Malt in dääre Raihefolg:
- Glenglassaugh "Revival"
- 4.258 vo dr SMWS (e Highland Park)
- Caol Ila Distillers Edition (Moscatel Finish)
- Aerolite Lindsay (stoot fir "Ten Year Old Islay")
- Bunnahabhain "Cruach-Mhòna"
- Laphroaig Càrdeas "Port & Wine Casks"
- Und denn mach ych no dr nei gruusig Bunnahabhain vo dr Society uff (10.207)

Slàinte!

Duuble, nit mol suffe lehn si aim...