Isch irgendepper hit zoobe au derbyy im Kongrässzentrum?

Ych gang uff jeede Fall au wenn mer aigetlig nyt z saage hänn. Es kennt jo scho no ewäng interessant syy was LG Dave und syni Gselle verzapfe.

E Marathon, fascht drei Stund lang isch die Versammlig gange. Dr bescht Momänt isch d Ernennig vom Guschti Nussbaumer zem Ehremitglied gsii mit ere witzige Laudazioo vom Peter Epting und ere (hochverdiente) minutelange Ständing Oweischenn. Uff dr Lischte vo dr neie Freimitglieder het's e baar bekannti Nämme drunder ghaa (z.B. Othmar Hitzfeld und dr Faninho!). Us em Verainsvorstand zruggdrätte isch dr Benno Kaiser; ersetzt wirde er nit, si mache z Fimft wyter. Dr Frauefuessball isch wie erwaartet nei dr AG understellt, sunscht bliibt alles wie's isch (Mitgliederbydraag etc.). Interessant kennt no s neie FCB-Museum wäärde, mee derzue doo: https://fcb-museum.ch/. Blabla und myner Mainig nooch unneetig d Schwätzrundi mit em VR vo dr AG. Am halber Zääni zoobe isch's denn ändlig zem - feine! - Apéro gange, Broscht!

Merci für d Zämmefassig!