Bi gschpannt, ob d Walliser s hütt wiider mit 11 Maa im aigene Stroofruum versueche. Ych ka mirs nidd vorschtelle, erschtens hetts nüdd brocht und zwaitens schpiile si dehaim. Villicht gits drumm e glainers Geknorze als vor kuzrem im Joggeli. In dämm Sinn... ych blib bim 2-1 Siig-Tipp vom FCB. Hett zwar letschtens nidd gschtumme, aber immerhin hett dr FCB gwunne.

HOPP FCB! :-)

Uff und ab bim FCB - nach Uff drum jetz wieder Ab. Ych hoff es git weenigschtens e Punggt.

Schlimmer goht immer...!

Gurggeliga at its worst.. D Fählpass- und Ballverluschtquote dürft knapp under 100% liige. Und em Pululu si letschts erfolgryychs Dribbling dürft ca. glyych lang här si, wie dr letscht Siig ime Maischterschafts-Schpiil gege dr FCB. Himmeldruurig zum Zueluege...

Ha nyt gseh wil kai Pei-Tiiwi. Aber es muess schlimm gsii syy. Mir sinn aifach numme no pyynlig. "Gurgge-League Gool" gib mer nit sondern lieber ai, zwai Drooscht-Whisggely.i

Woooooooow... U.N.T.E.R.I.R.D.I.S.C.H.

300 hochi Bäll und 299.5 lande bi me Walliser. Okay... versueche mir s nomoll mit 300 hoche Bäll. Das isch kai Päch, sondern Ideelosigkeit, Unvermääge und Harmlosigkeit im Quadrat gsi.

Aber: In Zuekunft wird alles besser. Ych ha dr Teleclub kündet und "muess" mir daas künftig weniger oft adue. Und bitte-bitte losed mi NIDD uss für dr Match am Samschtig.