Irgendwelchi PoetInne am Start näggschte Sunntig? S Fantis sinn uff jeede Fall derbyy und fraie sich uff s Suppe.

Villicht kurzfrischtig, tendenziell aber eher nidd. Ha bitz vyyl um d Ohre...

D Suppe isch mit Absstand s Beschte gsii an däm Noomidaag. Ych waiss, Teschtspiil sett me nit yberbewäärte, aber das wo dr FCB hitte zaigt het macht aim scho ewäng Angscht wenn me an näggschte Sunntig dänggt. Dr Bergström längt aifach nit; aigetlig ha ych ghofft dr Van der Werff wuurd IV spiile, aber dä isch im defensive MF zem Yysatz koo. Und het si Sach gar nit esoo schlächt gmacht, au wenn me gseh het dass d Abstimmig mit de Mitspiiler no suboptimaal isch. Dr Ademi het im Sturm mee oder weeniger gar nit stattgfunde, hoffentlig isch dr Cabral bald wieder fit (okay, dä wäär jo näggschte Sunntig sowieso gsperrt). Am beschte gfalle hänn mer no die baide Flügel Zhegrova und Bua, dr Räscht isch (hoffentlig!) numme im Teschtspiil-Modus gsii und kaa hit in ere Wuche e (rächti!) Schippe druffleege. Sunnscht sinn's denn scho fimf Pinggt Ruggstand.