Dobbelpagg am Sunntig!

Zerscht findet s dritte Playoff-Schpiil vom EHC gege die dämlige Yys-Inseggte (GCK Lions...) statt (mit ere FCB-Saisonkaarte gits übrigens e vergünschtigte Yydritt, wie au umgekehrt...), dernooch gohts e Stügg nääbedra gege Lausanne.

Baidesmool bitte e Haimsiig. Isch zwar sälte, wenn baidi am glyyche Daag schpiile, aber villicht klappts jo wiider emolle.

HOPP EHC, HOPP FCB

Wäär scho toll dä "Lausanne-Fluech" ändlig z beände. Und dr Abstand uff YB wieder uff nyyn Pinggt setze. HOPP FCB!!

D Haimschpiil sött me aifach gwünne.

Gilt au für dr EHC. Die hänn im völlig unsinnige 5. (!) Drittel gege die doofe Zircher, wo KAI SAU interessiert nach eme Penaltygoal verloore. Aimool 20 Minute Verl. goht grad no i.O., dernooch kasch e Penaltyschiesse mache, daas isch zu dämm Zytpunggt nidd mehr Lotterie als x Drittel mit jewiils 18 Minute Pause ahängge. Entsprächend hänn mir au s Goal vom FCB verbasst.

Maageri Ussbütti am hüttige Sunntig...