Team: Hitz; Mendes, Barisic, Adjetey, Schmid; Baro, Leroy, Shaqiri, Traoré, Kade; Carlos

Uswäggslige: Xhaka fir Baro, Kolloli fir Kade, Van Breemen fir Adjetey, Sigua fir Shaqiri, Ajeti fir Carlos

Resultat: 2:1 n.V.

Gool: Carlos, Kolloli; Sorgic

Fans: 15003

Und sunscht: Hitte numme "Hardcore-Fans" im Stadion. Flachmaa derbyy mit "Glenfarclas Heritage"

Neeeeeiiii.... Fanti........ mach 3-0 oder so! Und BITTE kai Verlängerig. So lang mag ych hütt nidd...

...scho z spoot, sorry... ...und denn au no Penaltyschiesse...

...aber immerhin mit eme positive Usgang .

E baar sinn jo geschter zimlig underirdisch gsii, alle voraa dr Vouilloz. Zem Glygg het's dr FC au gmerggt und en zer Pause uusegnoo, wobyy au dr Adjetey denn au nit numme glänzt het...
Eebefalls gar nit gfalle het mer dr Ajeti, dä het d Chance zem sich fir mee Spiilzyt uffdränge nit gnutzt. Dr Räscht zwysche eenter schlächt und ainigermasse gniegend bis halbwägs guet. Vor em Penaltyschiesse ha ych dänggt "Aadie zämme, daasch es gsii, dr Hitz hebt kaine". Wien er denn aber dr eerscht ghoolt het isch scho stargg gsii, Schappoo. So isch es drotz Kälti und Match uff mässigem Niveau doch no e tolle Oobe gsii, nit z letscht nadierlig au wääge de zwai Hammergool vom Shaqiri und em Kade.

Ych has befürchtet, dass daas e lange Obe git. Und ych hass Penaltyschiesse. Erdräglig wirds nur, wenn me dä Mischt denn au gwünnt. Komischerwyys bin ych mir zu Beginn vom Penaltyschiesse zimlig sicher gsi, dass dr Hitz mindeschtens aine hebbt. Guet für mini Närve, dass es denn grad die erschte baide gsi sinn...

Dr Vouilloz isch brutal näb de Schueh gstande. Und dass dr Ajety vo Afang aa gschpiilt hett, hann ych aigentlig erscht bi sinere Usswägslig gmerggt.

Mit Bligg uff dr Sunntig sicher nidd schlächt, dass hütt Sangalle au no an d Segg muess, sunscht hätt ych nach dämm Marathon geschter kuum Hoffnig ka...