Okay... ab sofort isch tippe wiider erlaubt! ;-)

Geschter wär klar mehr dinne glääge, wenn me anderscht uffdrätte wär. Nidd hinde ynestoh und uff (schwachi...) Konter luure. D eBay-Vertaidigung isch - wie me au bi de Gegegoal gseh hett - öfters unsortiert gsi, dass hätt me miesse nutze. Dr Baro usenäh mines Erachtens ebefalls falsch gsi und die Gschicht mit em Dräger, wo ussgrächnet in dämm Schpiil muess ynekoh... naja... dr Celestini hett scho e bessers Händli ka.

Fascht mehr gnärvt als die Niiderlaag (isch jo klar gsi, dass d Bärner in dämm Match alles gänn, die näggschte Schpiil in dr Maischterschaft penne si denn wiider, will si sich jo uff d CL mienn konzentriere...) isch dr Massstab vom Schiri gsi. Laider au nüdd neus. Aber wenn me schnäller e Kaarte bikunnt, will me sich beklagt, dass me ständig gfoult wird, statt dass die Fouls bestrooft wäärde, hett me dr Sinn vom Schpiil aifach nidd verstande.

Jä nu... underem Strich glaub ych drotzdämm: Bim FCB isch no Potential nach obe, bi YB goht nidd vyyl mehr.

HOPP FC

Yep, isch e Yystelligs-Sach gsii. Nochdäm me relativ aifach zem NullAins koo isch het me dänggt "die hänn mer im Griff". YB het mi sehr verunsicheret dunggt, eerscht rächt noch em Gäägegool. Laider het Basel denn zruggsteggt (ebe, "die hänn mer....") statt grad noochedopple und esoo YB uffbaut. Dr Sieg vo de Bärner isch laider verdient, aber nit eppe wil si bsunders guet gsii sinn sondern unseri halt um ainiges schlächter als au scho.

Ych waiss jo nit en dr Arnd Zeigler au CH-Fuessball luegt, uff jeede Fall wär em Dräger si Dopf e haisse Aawärter uff's "Kacktor des Monats"...