Hitte het fir dr EHC die nei Säsong aagfange. Nochdäm ych demoorge in dr BaZ e interessants Interview mit em EHC-Presi Daniel Schnellmann glääse ha het's mi gluschtet zem wieder emool in d St. Jakob-Arena goo. Und ych ha's nit bereut, dr Match gääge Thun het nit z letscht wäägen em 3:1-Sieg Spass gmacht. Und als Dipfli uff em "i" sinn d Gedrängg dangg eme Sponsor hitte gratis gsii . Ych dängg die Säsong wird's dr aint oder ander wyter Match-Bsuech gää .
Breathes there the man, with soul so dead Who never to himself hath said This is my own, my native land!
Hit zoobe findet dr Final vo dr MySportsLeague statt. Dr Titel wäär no e Zyggerli, uffgstiige isch dr EHC jo scho. Mit eme Print-Exemplar vom BaZ-Artiggel (=> Link) kaa me ybrigens gratis go luege. Ych hätt das zwar, aber ych ha mer geschter demoorge scho uff normalem Wääg e Billjéé boschtet und frai mi uff e hoffentlig spannende Oobe mit de Kopfschüttlers in dr Arena. Esoo wird ych dr eerscht und dr letscht EHC-Match vo dääre Säsong gseh ha - derzwysche bi ych nie gsii, "shame on me"...
Au wenn dr Uffschtiig (wo scho feschtgstande isch) schreegerwyys wichtiger gsi isch als dr Titel: Dä Draihbuechautor hett si Job super gmacht. E harti Halbfinal-Serie gege e uffschtigswillige Konkurränt, denn im Final Best-of-five 0-2 hinde, im entschaidende Match nach 2 Drittel ebefalls hindedry. Si sinn mied gsi und kuum öbber hätt no öbbis uff dr EHC gwettet. Denn doch nomoll alli Resärve mobilisiert und dr 39jöörig Topscorer dopft nach eme wirglig gaile Solo (hett dr Pögg im aigene Drittel erobered) 47 Sekunde vor Schluss.
FCB-Poeten-Forum
Thema drucken
18.09.2021 22:48 (zuletzt bearbeitet: 18.09.2021 22:49)
. Ych dängg die Säsong wird's dr aint oder ander wyter Match-Bsuech gää 
.
Antworten
