...nai, nit wie sunscht im Auguscht nach Edinburgh sondern nach Berlin. Raise nach Schottland goot immer no numme under erschwäärte Bedingige: kuum Flyyg, Teschte losse noch Aakumft etc. Vyllicht klappt's jo no speeter im Joor, esoo wie sich d Pandemie im Momänt entwigglet isch d Hoffnig aber gring.
Aber Berlin isch jo au e tolli Stadt! Ab moorn leese mer e Hotelgutschyyn yy wil mer letscht Joor nit hänn kenne goo. Schwäärpunggt dasmool Potsdam, deert sinn mer no nie gsii. Und als "Zyggerli" denn am Donnschtig s Europagöp-Ruggspiil vo Union! Laider nit in dr Försterei sondern "numme" im Olympiastadion, aber mir fraien uns nadierlig drotzdäm uff em Urs syni Truppe. Die wäärde sicher nit esoo zittere miesse wie dr FCB, denn uswäärts in Finnland hänn si 4:0 gwunne...
Am Samschtig kemme mer wieder zrugg, rächztyttig zem "Kracher" gääge YB.
P.S.: E bitz e Saich isch nadierlig dr Lokifiehrer-Straigg wo au d S-Bahn bedrifft. Aber mir hänn jo Feerie resp. Zyt zem's gmietlig nää, und am Mittwuch isch die Sach verbyy.
Breathes there the man, with soul so dead Who never to himself hath said This is my own, my native land!