Geschter im Alter vo eerscht 65 gstoorbe. Ain vo de greeschte Rock-Gitarrischte vo alle Zyte und Erfinder vom "Finger-Tapping" spiilt jetz Elektro-Harfe...

Ych maag mi no erinnere wo ych anno 78 s Debüt-Album boschtet ha, säll Solo (Eruption) isch wie von eme andere Stäärn derhär koo:
https://www.youtube.com/watch?v=M4Czx8EWXb0

Ironischerwyys spiilt er uff em greeschte Van Halen-Hit (fascht) mee Keyboard als Gitarre:
https://www.youtube.com/watch?v=SwYN7mTi6HM

Ych ha d Band mehrmools live erlääbe deerfe, synerzyt no mit em David Lee Roth als Sänger und denn speeter au mit em Sammy Hagar am Mic. Sehr schaad um dr Eddie und d Band, aber d Muusig lääbt wyter!