Moorn goot's fir e Wuche noch Edinburgh mit em (ewäng druurige...) Heehepunggt "Runrig-Abschiid". Noch 45 Joor beändet die wunderbaari Gruppe iiri Karriere mit zwai scho lang usverkauffte Konzärt bim Stirling Castle vor je 25'000 Fans. Die Band und iiri Musig bedyttet uns sehr vyyl, in de letschte Johrzähnt hänn mer si mehrmols live erlääbe deerfe in dr Schwyz, in Dytschland und nadierlig au "dehai" in Schottland. Und jetz also kunnt's am Samschtig zem "Last Dance". Scho s eerschte Konzärt vo dr Abschiids-Tour aafangs Juni z Berlin isch sehr emozionaal gsii, und ych dängg ybermoorn wäärde mer no s aint oder ander Dräänli mee verdrugge...
Nadierlig gehn mer au no ans Tattoo, bsueche e baar Events vom Fringe und mache e Usfluug zem Dirleton Castle. Und denn längt's sicher no fir e baar Ales und Malts in dr Bow Bar - Slaìnthe!
Breathes there the man, with soul so dead Who never to himself hath said This is my own, my native land!