Wyl y nit wäiss, ob s alte Forum no bestoh, also läsbar, blibt, han y d Ranglischteverkündigunge vom Latteknaller do archiviert. Wenn's schon e äiges WSW-Unterforum git. (Y wäiss, dass mr jo e ?Hall of Fame? händ. Trotzdäm? )
Do z?erscht aber no dr erscht WSW-Yytrag vom Latteknaller. Das sind no Zyte gsi, wo dr Gwünner e Sixpack bikoh het! Scho im zwäite Joor (domols het?s au nummen Ändi Saison en Ändusswärtig gäh) het?s denn scho dr Wanderpokal (wo isch dä äigentlig?) gäh.
An däre Stell nomol e riesigs Danggschön an Latteknaller für dä Yysatz! [schild=random fontcolor=FF0000 shadowcolor=FFA500 shieldshadow=1]DANGGE!!![/schild]
Zitat von Latteknaller_02.07.2002 me muess scho e wohrsager sy, um d'tabälle ändi saison voruszsage. trotzdäm möcht ych do e wettbewärb starte:
schrybet eure tipp für ändi vorrundi (12 mannschafte) und für ändi meisterschaft (8 mannschafte) do yyne. immene johr kriegt dr gwinner e sixpäck meisterbier (oder fäldschö, falls es nid glängt het zum meister) vo mir gsponseret. also, holet euri kristallkugele füre, lönd s'pändel schwinge, lueget dr satz vo eurem morgekaffi genau aa oder vrsuechtes mathematisch über statistike und logarithme uusezfinde.. hauptsach dr schryybet öppis
gwärtet wird eso: richtigi platzierig 10 punkt, pro platz abwyychig 1 punkt abzug.
ych mach emol dr aafang (usser konkurränz nodürlig)
Zitat von Latteknaller_30.06.2003 sodeli. es isch mehrfach dr wunsch güsseret worde, dass dr wohrsager-wettbewärb vom letschte johr söll wyderholt wärde. nodyyrlig mach y das gärn.
durch d modus-änderig vom SFV gyts das johr also numme 1 tabälle z tippe. die vom änd vo dr saison.
um bi punktglyychheit e eidütige gwynner (oder 2. oder 3.) chönne z benenne gyts das johr no 2 zuesätzlichi schätzfrooge z beantworte:
1. wievyyl goal schiesst dr FCB in de 36 meisterschaftsrunde 2. wievyyl goal wärde insgesamt in de 36 runde gschosse (also ohni relegationsspyyl).
me cha sy tipp ämtwäder in däm thread abgäh, oder - wemme sini 100% insidernews nid wot pryysgäh - mir per mail schigge: latteknaller@bluemail.ch
dr gwynn isch au dasmol wyder wahlwyys e siggspägg bier oder blöterliwasser und *täteräää* e wanderpokal !!. also hauet in d taschte. ych mach - wyder usser konkurränz - dr aafang:
1. FCB 2. GC 3. FCZ 4. St. Gallen 5. YB 6. Servette 7. FC Thun 8. Xamax 9. FC Aarau 10. FC Wil
Zitat von Latteknaller_25.05.2004 AND THE WINNER IS.....
OPTIMUS
unsere forummaster het wyder emol alli ussgstoche. uff de ehreplätz lande dr lemieux und dr cpt. sky. läder holt sich dr tuborg ab.
dr WSW-Pokal (jäjä optimus, by mir gyts en ächte, nid numme sone bildli ) wanderet also in d usserschwyz.
- mit sensationelle 12 differänzpünggt het är sich dä syyg gsicheret. - 5 vo 10 mannschafte het är uff em richtige platz vorusgseit. - bi 3 isch är numme 1 platz drnäbe gläge und numme GC und YB hän ihn wirklich möge überrasche.
optimus, härzlige glückwunsch. d pokalübergoob findet äntwäder am näggschte Poetehogg (5.6.) oder nach em erschte heimspyyl vo dr neue saison im seibi-käller stadt.
do no die ganzy ranglischde, ohni exäquo-plätz. jede kriegt sy eigene rang
Zitat von Latteknaller_14.12.2004 ... tätätäääääääää
d aravis (was für en überraschig ) letschändlich het sy sich dütlich duurgesetzt gege d vrfolger. härzligi gratulation!
uff rang 2 stoht dr tuborg, wo sich wyder uffegschafft het, und au no uffs podäscht hets dr titelvrteidiger optimus gschafft. är wird also miesse für mindeschtens e halbs johr sy pokal abgäh.
wenn alles klappt, isch die übergob für am donnschdyg nach em rotterdam-spyyl im seibi-käller plant. vorusgsetzt dr käller isch of, d aravis muess nid schaffe und dr optimus bringt dr pokal mit
do also no e letschts mol vor dr winterpause d gwynner und vlrierer und d abschlusstabälle:
Zitat von Latteknaller_31.05.2005 ..so dr schuss isch duss!
dr FCB isch meischter, schaffhuuse goht in d barage und dr wsw pokal wächslet dr bsitzer. d aravis het ihn nid könne vrteidige het sich aber au in dr rückrundi tapfer gschlage.
ich möcht euch allne härzlig für d teilnahm danke und fürs interässe an däm glaine fun-wettbewärb. es gyt au näggscht saison wyder ein. vrsproche.
jetzt aber zur abschluss tabälle. grad als erschts: es het kai einzige rangvrschiebig gäh in dr letschte rundi und dorum heisst dr gwynner:
:hot: Mischler Maxe :hot:
härzligi gratulation. wenn, wie und wo d pokalübergob stattfindet miemr no usjasse.
wär het wie gegenüber vo dr winterpause wieviel plätz gwunne oder vrlore?
das 3:0 vo schaffhuuse in thun het die ganzi wsw ranglischde nommol zünfdig umkrämplett. het me vorhär no gmeint dr plopp und dr tuborg mache die sach unter sich us, findet me die beide jetzt nur no im bessere mittelfäld. uff dr andere syte isch dr dondaniel mitemene fullminante schlusspurt no vo platz 20 uf platz 2 füüregstürmt. bis uf e thron hets aber nümme glängt. dä 2. platz teilt är sich exaequo mit em schwab.
unsere titelvrteidiger mischler maxe het mit platz 13 schlüssändlich e gsicherete mittelfäldplatz eroberet und muess sy pokal wyder abgäh (wonr wäge gwüsse übergobschwyyrigkeite eigendlig gar nie wirklich gha het )
ganz obe stoht aber eine wo einigi podeschtplätz aber au einigi abstürz gha het während de letschte 6 mönet. als aawärter uf dr titel ischr (usser vo sich sälber wohrschyynlig) nie wirklig ghandlet worde. sini platzierige über die 18 rundene:
17, 18, 9, 1, 3, 2, 2, 6, 13, 3, 16, 17, 15, 4, 4, und nodyyrlig zum schluss 1
härzligi gratulation:
S T A V I A
:spos:
do no die letschte statistische ufstellige zum wsw hirundi 2005/2006
Zitat von Latteknaller_13.12.2006 ------------------------------g r u f t y------------------------------------
härzlige glückwunsch.
es het syt dr letschte rundi kai einzige vrschiebig me gä. dodrmit wanderet dr pokal also vo basel nach rieche.
s getränk nach wunsch eifach wehemänt yyfordere, wemmr ys emol gsehn, gäll
e hervorragende zweite platz het dr zuschauer, unsere fründ us em ostblock erreicht. e biz e troscht, für dass är immer uf e sänf zur wurscht vrzichte muess.
e titel vrteidige isch schwerer, als eine hole. das het nid numme dr fcb miesse erfahre, nei au dr quinto isch enttrohnt worde. allerdings het är's mittemene dritte platz wyder uffs podescht gschafft. e starki leischdig!
tabälle: d differänzpünggt vo de tippte platzierige vo de teams zu de tatsächliche goal: d differänzpünggt vo de tippte kassierte goal vom fcb zu de tatsächliche zuschauer: d differänz vom tippte zueschauerschnitt in de heimspyyl zum tatsächliche (in tuusig)
Zitat von Latteknaller zum 7. mol hets e pokal gä.
Zitat von Latteknaller_29.05.2007 isch jo klar gsy: dört wo 1 rundi vor schluss dr richtig an dr spitze isch, dört wird är nodyrlig no abgfannge
nai scherz bisytte. es het tatsächlich in dr letschte rundi no e leaderwächsel gää, und so het wenigstens eine in unserer rundi s double gholt.
härzlige glückwunsch zum bundesliga maischter und zum WSW titel
S C H W A B
söll no eine sage mir basler würde d usländer nid rächt integriere. mir lönn se sogar gwynne. uf em usgezeichnete platz 2, und wirklig nur sehr knapp gschlage, kunnt s wurmi, und ych due denn s podescht no abrunde.
s het no die eind oder ander vrschiebig gä. do alli zahle:
Zitat von Latteknaller_10.12.2007 ganz anders als in dr NLA isch dr titel wintermaischter im wsw öppis wärt und wird mitemene wanderpokal uszaichnet.
die letschti rundi het tatsächlich nomol tiefgriyfendi vränderige brocht, nid ei einzige wettbewärbler het sy platz könne halte.
eine het sich sogar als wohrsager im dopplete sinn uusegstellt:
Zitat von BahndämmlerOptimus zieh Di warm a, ich hol Di no!
und rächt het är gha! härzigli gratulation zum titel bahndämmler !
y freu mi scho dir dr pokal und e dringg nach wahl dörfe z übereiche.
dass är e vrdiente syyger isch zeigt sich dodra, dass är nid numme die wenigschte differänzpünkt gmacht het (zämme mit em zweite und dritte), sondern är het au vo allne tipper die beide zuesatzfroge am beschte beantwortet. en erfolg an allne fronte also.
au dr faninho isch no am optimus vrbyy gstürzt und haltet dr zweiti platz, aber au em optimus hets no uffs podescht glängt.
euch allne härzlige dank fürs mittippe und nach dr winterpause wärde d karte wyder komplett neu gmischlet.
uf de ehreplätz folge dr dondaniel, dr chrättli und dr tschum
mit em tigerhai und em tschum könne mr dodrmit 2 neuling in d hall of fame uffnäh.
nach dr punktetabälle folgt au no d tabälle vo de zuesatzfroge. dört het dr chrättli en unglaublige wärt gschafft. d gool het är genau tippt und by de zueschauer isch är numme grad um 40 persone im schnitt drnäbe gläge. wahnsinn.
wyder emol dangg ych allne fürs mitmache und hoff dr sind nach dr summerpause wyder drbyy.
gwynner: lemieux+tschegga2 1 glyych blyybe: alli andere vrlierer: lugru+spitzkick 1
Zitat von Latteknaller_16.12.2008 alea iacta est. dr würfel isch gfalle, dr ball isch grollt.
dr fcb het zum johresänd e deftigi schlappe yygfange, aber em syyger vom wsw het das nodyyrlig nüt könne ahaa. oder besser gseit: dr sygerin, denn wsw-herbstmaister 2008 isch d aravis !! sy isch drmit die erschti, wo het je könne dr titel zum zweite mol hole. härzligi gratulation.
die wytere podeschtplätz göhn an tyson und an lemieux. zwüsche dene beide ischs mit 0.002 differänz by de zuesatzfrooge dänggbar äng zue gange.
läder goht an langzytige tabällefiehrer tschegga2. ihm möcht y aber no e bsunders kränzli wynde: mit 0.222 diferänz by de zuesatzfroge het au är sich als ächte wohrager bewyyse.
allne möcht ych für s mitmache dangge, nach dr winterpause gohts wyter.
Zitat von Latteknaller_02.06.2009 do hät nomol so richtig öppis durenander gmischlet chönne wärde. yb het dr fcb überholt, aarau bellinzona...
aber so wirklich entscheidends isch nümm passiert im wsw. dorum heisst au dr soveräni, tolli un nodyyrlig absolut vrdienti syyger:
:spos: :spos: R K B :spos: :spos:
härzligi gratulation.
die wytere podeschtplätz wärde belegt vo dr grufty und vom lemieux. dr lemieux holt dodrmit zum zweite mol die saison dr dritti platz, was au e ryffi laischdig isch!
do no alli detail. wie immer sin die beide zahle hinter em name zesrcht d differänzpünggt vo dr tabälle und denn die vo de zuesatzfroge:
- sy isch die erschti, wo sich dr pokal diräggt wyder het könne zrugg hole - sy isch die erschti, wo dr wsw scho drei mol (!!) gwunne het - sy het jetzt au d fiehrig in dr wsw hall of fame übernoh
au uf em podäscht sin dr cpt. sky und dr tigerhai. aber ebe, dr zwait isch halt dr erscht vrlierer und goht im wsw total leer us (ok, nid ganz sgyt wenigschtens pünggt für d hall of fame).
e diggs komplimänt au no an tschumpeli wo by de zusatzfroge numme grad um 1 drnäbe gläge isch.
do also d schluss ranglischte vom hirunde-wsw.
platz / name / differänz ranglischte / differänz zuesatzfroge
Zitat von Latteknaller_18.05.2010 lägg du mir isch das spannend gsy bis zum schluss. nai, nid d NLA, do isch dr syyger jo scho vor dr saison fescht gstande, aber im wsw - e kopf an kopf renne bis in die letschti rundi.
und obwohl's in dr NLA kai rangverschiebig me gä het, im wsw hän no 2 d plätz tuscht. und zwar die entscheidende zwei !!!
will dr fcb die letschte 5 spyyl alli zu null gwunne het, het dr quinto no in dr allerletschte rundi dr thron übernoo. es isch also quasi um d gooldifferänz gange.
härzligi gratulation
************************************ q u i n t o ************************************
dr räscht vom podescht bilde nodyyrlig au 2 extremi kenner vo dr szene
rang / name / diff.punkte / diff.punkte zusatzfragen
FCB-Poeten-Forum
Thema drucken
14.08.2018 09:37
)
Antworten
) wanderet also in d usserschwyz.
