Ändlig wiider Zytg für wichtige Fuessball.

Ych hoff, d FCB-Schpiiler sinn alli unverletzt uss dr Nati-Pause koh und hole sich usswärts die drey Punggt!
0-2 (Ademi und dr yygwäggsledi Cabral)

Bi lyycht sekptisch und dängg es git nummen e Unentschiide.

Mageri erschti Hälfti uff dämm Härdöpfelagger. Ych hoff, si draihes no...

Die zwait Halbzyt besser, aber nidd wirglig berauschend. Au bitz Päch, wenn dr Ball drey moll vo dr Linie kratzt wird. Allerdings hett dernooch dr Omlin au miesse gueti Parade usspagge. S 2-0 e klassische Konter. Die Gänfer mache das - zumindescht dehaim im Stadion "Le Muulwurfwiise" - nidd schlächt, au YB isch dört daucht.

Die baide (??? die gege dr Ademi hann ych nidd mitbikoh, do waiss glaub nur dr Vollpfoschte-Schiri sälber, was do söll gsi si) Roote gege dr Stocker und Ademi nach em Schlusspfyff göhn in d Kategorie "wenn ych scho dr Xhaka-und BuaYysatz gege YB nidd ka verhindere, denn mienn halt anderi dra glaube".

Okay... das Arm-Schüpferle vom Stocker isch nidd ganz Gentleman-like gsi, aber e ironische Duume (Mittelfinger wär öbbis anders...) wenn e Match z frieh abpfiffsch, sött e Schiri nidd grad in sine Grundwärt erschüttere. E unglaublige Waichbächerverain die CH-Schiris.

Ha numme dr ZF SRF-Matchbricht gseh. Jänu, YB het deert no heecher verloore.

Näggscht Wuchen um die Zyt sinn mer als DRITTE siibe Pinggt hinter YB.