Villicht hebbt dr "Koller-Effäggt" jo no bitz ane, denn könnts sogar zume knappe Usswärtssiig länge. Ohni Gegegoal wird's kuum bliibe, drumm:

1-2

[schild=standard fontcolor=0000FF shadowcolor=FF0000 shieldshadow=1]HOPP FCB[/schild]

E 1-2 wär mi (nidd nur, will ych s tippt ha... ) zwar no lieber gsi, aber daas 0-1 nimm ych au no so gärn.

Die erschte 30 Min. isch me fascht inexischtänt gsi, dernooch zum Glügg besser ins Schpiil koh. S hett mi dunggt, es hett e baar gueti Szene ka, wo denn prompt zum mehr oder weniger hochwärtige Chance gfiehrt hänn, allerdings au ainigi hoorsträubendi Fähler und liichtfertigt verschänggti Bäll. Vorallem dr Frei hett amigs rächt gwurschtled.

Am Schluss hett me ändlig wiider moll s Glügg uff sinere Syte ka, inkl. em Goal (fascht Offside, fascht no drüber gschosse, fascht z schpoot...). Zwar isch au hütt nach dr 70. Minute nümm vyyl koh, vom Gegner aber ebbe au nidd. Entweder sinn (au) die "platt" gsi, oder me hett langsam uff e 0-0 tendiert, in dr Hoffnig, dass denn ai Usswärtsgoal länge würd.

Wyter isch me noonig, aber s wichtige Sälbschtvetraue hett me wiider e weeneli könne uffbaue!