Zitat von Tschum im Beitrag #72Zen-Mönch Fanti. Wie lange meditierst du täglich, um eine solche Gelassenheit zu erreichen?
Nix Meditiere, reegelmässig e feine Single Malt und guet isch (z.B. während em Fiorentina-Match Talisker 10yrs und dernoo Laphroaig 10yrs cask strength).
Bitter, ganz bitter. Aber noch aimool dryyber schloofe muess me feschtstelle dass halt Fiorentina scho besser gsii isch, vor allem in Halbzyt 2. MotM fir mi dr Hitz, ooni iin wäär scho friehner fertig gsii. Au sehr guet dr Schiri: aimool mee het me gseh wie gross dr Underschiid zwysche europäischem Standard und schwyzer Ummegepfyffe isch.
Ych dängg die Säsong isch jetz gloffe. D Luft isch duss, sowohl physisch wie au psychisch. Zem doch no europäisch schutte bruucht's in de drei letschte Spiil 7 wenn nit gar alli 9 Pinggt, und das griege si im aggduelle Zuestand nimme aane. Jänu, vyllicht isch es au emool guet e Säsong ooni stundelangi Raise und mehrmoolige änglische Wuche spiile kenne. Nadierlig schmäärzt das d Kasse und es droht e wytere Rugggang in Sache Säsongkarte plus e Usverkauf, aber friehner oder speeter wääre Amdouni, Diouf, Males, Ndoye, Burger etc. sowieso gange.
E Marathon, fascht drei Stund lang isch die Versammlig gange. Dr bescht Momänt isch d Ernennig vom Guschti Nussbaumer zem Ehremitglied gsii mit ere witzige Laudazioo vom Peter Epting und ere (hochverdiente) minutelange Ständing Oweischenn. Uff dr Lischte vo dr neie Freimitglieder het's e baar bekannti Nämme drunder ghaa (z.B. Othmar Hitzfeld und dr Faninho!). Us em Verainsvorstand zruggdrätte isch dr Benno Kaiser; ersetzt wirde er nit, si mache z Fimft wyter. Dr Frauefuessball isch wie erwaartet nei dr AG understellt, sunscht bliibt alles wie's isch (Mitgliederbydraag etc.). Interessant kennt no s neie FCB-Museum wäärde, mee derzue doo: https://fcb-museum.ch/. Blabla und myner Mainig nooch unneetig d Schwätzrundi mit em VR vo dr AG. Am halber Zääni zoobe isch's denn ändlig zem - feine! - Apéro gange, Broscht!
Klar, eerscht die halb Mieti. Ha numme die zwait Halbzyt gseh und irgendwie nit kenne glaube dass do dr glyych Club uff em Fäld stoot wie letschte Sunntig.
Wie's au immer uusekunnt am näggschte Donnschtig, noch em Match vo hitte isch d Vorfraid immäns. Volls Stadion, d Meegligkait zem Gschicht schriibe, aifach numme gail!
Schyynbar sinn die Herre Pelmard und Calafiori wieder verfiegbar, e Liechtbligg. Drotzdäm wiird's hit zooben ain an Pinsel gää, ych hoff aifach nit mit mee als zwai Gool Differänz dermit mer in ere Wuche zemindescht dr Huuch von ere Chance zem wyterkoo hänn.
Waiss epper eb me dä Match naime im Free-TV luege kaa?
Ych ha scho lang nyt me gschriibe im KiGaFo, lääse duen ych aber ainigermasse reegelmässig.
Näggschte Sunntig git's ändlig wieder e Sieg fir St. Galle. Basel muess mit alle Verletzte und Gsperrte luege wie si no 11 Maa uff e Blatz bikemme...
...und denn hänn si no dr Fiorentina-Match in de Bai. Aber egal, e Europagöp-Blatz isch syt hitte kai Thema me. E Schyss-Säsong mit e baar europäische Highlights, zemänd aber drotzdäm entdyschend.
Zitat von Zuschauer im Beitrag #4was mich aber extrem freut isch das de kacka für sini sit johre permanent dreckige art etz (hoffentlich) mol d quittig überchunnt. isch jo nöd so, dass das verhalte neu isch - etz het sichs eifach kumuliert.
Mi frait's weeniger, muess aber zuegää dass er scho immer sehr hart entlang dr roote Linie gloffen isch. Mängmool mit aim Fuess scho driiber, hitte het er si definitiv yberschritte. Ybrigens: Im FCB-Forum git's wirgglig mee als ai User wo dä Duubel no fyyrt - zaigt eppe s Niveau vo KiGaFo und isch laider au e Spiegelbild vo dr MK. Bi gspannt wie dr Club reagiert, wenn si Aier hänn git's e saftigi Buess, Käpt'n und "fir immer rotblau" hi oder här.
Dr Penalty isch e Skandal. Hänn si im Käller z Volketswil Super Mario gspiilt? Dä Schaiss-VAR gheert abgschafft, ai Fähl-Entschaid nooch em andere (z.B. au reegelmässig in Dytschland). Friehner hänn mer "numme" Fähler vom Schiiri ghaa, jetz kemme no die verdammte Käller-Assle derzue. Dä Kack muess begraabe wäärde! Dypfli uff em "i" no dä Stricher-Depp mit dr Nummere 7 wo vo klaarem Elfer schwadroniert, soone Vollpfooschte.
No dr völler Pfoschte aber dr Xhaka! Goot gar nit, wenn di soo nit im Griff hesch bisch in dr falsche Sportart underwägs. Sunscht: e schwache FCB gääge aigetlig no schwächeri Zircher, esoo hänn mer e Europagöp-Bltz nit verdient. Und wäärde au kai settige erraiche.
Yber e Schiri schriib ych nyt wyters, isch dr Hut-Abriib an de Fingerkuppe nit wärt.
Uswäggslige: Millar fir Males, Kade fir Burger, Zeqiri fir Agustin, Chipperfield fir Ndoye, Novoa fir Essiam
Resultat: 1:1
Gool: Augustin; Okita
Fans: 26'378
Und sunscht: Z vyyl Verletzti und Gsperrti, es längt nit zem Gwynne. Aber die vor mir "gfoorderte" 7 Pinggt us de Spiil Sion/Winti/Zi!rü wäärde eraaicht.
Merci fir d Ybersicht. Ych ha gmaint mer haige meh Leih-Spiiler, aber das hänn mer jo geschter zoobe scho feschtgschtellt.
- de Mol: Kaa ych au nit beurdaile, ha en no nie im Yysatz gseh. - Adams: Aigetlig jo e tolle Spiiler, aber ebe: z vyyl Bögg, doorum nit ybernää. - Chipperfield: Ych wuurd verlängere, iin an e Tschällensch-Liig-Verain uslehne und luege wien er sich deert macht. Koschte wuurd das jo wohrschyynlig nit esoo vyyl. - Males: Drotz rächt vyyl Skorer-Pinggt wuurd en nit bhalte. Mir hänn gnueg Alternative fir syni Bosizioon. - Zeqiri: Het mi nit yberzygt, doorum eenter zrugg an Absänder. - Sène: Het bi GC emool e (kurzi!) gueti Phase ghaa, mee aber nit. Aaadie!
Au mi dunggt: es bruucht e erfahrene IV. Und fir d Offensive au no aine oder sogar zwai (falls dr Zeki dä Summer scho goot).
Mindeschtens 7 Pinggt us de näggschte drei Spiil, sunscht längt's nit fir e Eurpopagöp-Blatz. Die eerschte drei am Beschte grad hit zoobe, aber ych bi eenter skeptisch...