Aber immerhin het d Gooldifferänz no gstumme bim Tipp...
Es isch syt em Spiil gääge Winti dr bescht Match gsii vom FCB in dääre Säsong. Und ändlig wieder emool "ZeNull"! Aber nadierlig isch immer noonig alles guet, dr Celestini het scho no Arbet vor sich. Ai Massnahm wäär z.B. dr Barry und dr Dubasin ussortiere, die baide länge aifach nit, sorry. Und em Veiga bybringe ewäng "risikoloser" z spiile, vor allem grad am aigene Stroofruum...
Sunscht e nätte Uffdritt vom FCB. Beschte Maa fir mi dr Schmid, ha dä no nie so guet gseh syt er bi uns isch. Au dr Fabian Frei isch sehr guet gsyy, Kade, Van Breemen, Xhaka au yberzygend. Jetz sett me nadierlig dä Sieg denn in Lausanne gääge Uschi "konsolidiere" zem wyter ewägg koo vom Tabällenändi.
E guets Interview. Indentifikazioon mit dr Mannschaft isch scho e rächt schwierigs Thema, vor allem syt dr DD am Rueder isch. Ych glaub nit dass es je wieder esoo syy wird wie "sälbertsmool", aber das isch au bi andere Verain esoo.
E mänge verglycht jo die aggduell Situazioon mit dääre in Abstiigs-Säsong 87/88. Spoortlig maag das (bis jetz) esoo syy, "mental" isch es aber scho rächt anders. Sälbertsmool het me noch em "Last Minute"-Klasseerhalt (7:0 gääge Wettige uff dr Schytze, dr letsche Match under em Benthaus!) gwysst dass es schwierig wird. Vyyli Laischtigsdrääger sin gange und me isch mit ere zwaitklassige Mannschaft und em Sigi als Drääner in d Säsong. Uns alle isch klar gsii dass alles anderi als e Abstiig e Yberraschig wäär. Und es jo denn au esoo koo, immerhin knapper als erwaartet. Aber: me het bi jeedem wo s rootblaue Liibli aa gha het s Gfyhl kaa er risst sich dr A**** uff fir e Verain. Und hyyr isch es halt scho so dass nit alli därmasse motiviert wirgge, um's emool "nätt" uszdrugge. Ych hoff dr Celestini kaa das notwändige Fyyr zynde, eerschti Aasätz het me immerhinn scho gseh. Und die wo nit wänn - oder schlicht und aifach die notwändig Klass nit hänn - sell me ussortiere (au wenn si eerscht vor kurzem koo sinn...) und mit motivierte Junge ersetze.
Vyllicht isch jo Servette no ewäng mied vom Europagöp. Ych hoff emool uff e Unentschiide, bi aber eenter ewäng skeptisch, nit z letscht au wääge de fählende IV's.
Vyllicht sett ych wirgglig emool ewäng Glaigäld ins Wettgschäft inveschtiere...
En eminänt wichtige Sieg hitte. Nadierlig wääge de drei Pinggt, aber au fir dr Kopf. Ych ha noch em Penalty nimme dermit grächnet, dr FCB het mi in dr zwaite Halbzyt nimme esoo yberzygt wie vor dr Pause. Beschte Maa fir mi dr Frei, au dr Kade het mer gfalle. Schmid au besser als au scho, Demir ebefalls guet (aber numme in dr 1. HZ). Und topp nadierlig dr Celestini: är het dr Sieg yygwäggslet, usgrächnet Barry und Sigua wo z letscht underirdisch gsii sinn hänn dr Deggel zuegmacht. Gnäärvt het mi dr Veiga mit synere bleede Dänzlerei, e bitzli ybermotiviert dä Maa. Grund derfir hätt er nit, vor allem vor dr Pause het er e baar grauehafti Fählbass verbroche.
Alles in allem nadierlig immer noonig wirgglig guet, aber jetz bruucht's e baar "dräggigi" Sieg - dr Aafang isch gmacht!
D Laischtig vom FCB isch gelinde gsait yberschaubar gsii, am Sunntig längt's esoo gääge Yverdon nit. Ganz schlächt hänn mi dr Drääger und vor allem dr Malone dunggt, gfalle hänn mer dr Schmid und no ainigermasse dr Augustin. Au guet: dr Avdullahu, dä kennt me au emool vo Aafang aa bringe. Dr Räscht: jänusodenn. Positiv: Finn Van Stolperi und Slapstick-Barry sinn uff dr Bangg gsii und au bliibe! Und mir hänn im Viertelfinal e Haimspiil.
Dr Yystand vo unserem neie Drääner. Es wird kai lyychte Gang, me wird miesse (Kunscht-)Raase frässe fir's Wyterkoo. Und ych ha ewäng myni Zwyyfel eb unseri Divene das kenne. Aber dängge mer positiv, irgendwenn muess es jo emool uffwäärts goo. Dorum: ZwaiAins fir uns, aber eerscht noch Verlängerig. Uffstellig, Gool etc. sinn mer egal.
Ha dr Match "numme" mit eme schlächte Stream gseh. Aber au mit normaler Qualidäät wäär d Laischtig vom FCB nit besser woorde...
Im Ärnscht: Was do abgoot isch erschreggend. Me maint immer wieder schlächter goot nimme - doch, es goot. Jetz denn no am Mittwuch im Göp uusegheie und dr Diefpunggt isch erraicht. Ych waiss nit wie mer us däm Saich uusekemme. Vyllicht kaa jo wirgglig e andere Drääner us all dääne schlächte Spiiler vo mer hänn weeniger schlächti mache, aber mittlerwyyle glaub ych nit emool me an das. Bitter...
Ych ha drei Opzioone ghaa zem dä Samschtig-Oobe verbringe: - FCB-Match im Joggeli - Rugby-Halbfinal am TV - Shakra-Konzärt im Z7
Ych ha laider die eerscht Variante gwählt. Rugby wäär saggspannend gsii und s Konzärt zimmlig sicher e sehr stimmigsvolle Sach - ha Shakra scho mehrmols gseh und sie hänn mir no nie entdyscht.
Au dr FCB ha ych scho - underdriibe gsait - mehrmols gseh. Und entdyscht het er mi scho rächt hyffig. Aber das wo jetz abgoot isch dr Diefpunggt vo yber 50 Joor FCB-Fan-syy. Wo mer sälbertsmool in d Säsong 87/88 gange sinn hänn mer gwysst dass mit sällere Mannschaft alles andere als e Abstiig e Yberraschig wäär. Es isch denn au esoo koo, drotzdäm sinn mer bi jeedem Match haim mit em Wysse dass die in rootblau alles gää hänn wo meeglig isch, aber es het halt aifach nit glängt. Hyyr stoot e zämmekauffti Truppe uff em Fäld wo yberhaupt nit zämmebasst und kai Häärz und Yysatz zaigt. Dä wo die zämmeboschtet het schafft's nit syni - ych bedoon SYNI! - Spiiler zuen ere Mannschaft foorme. Zuedäm het er dä Drääner wo er ums Verregge het welle zem Daifel gjaggt - guet antzipiert bi dr Verpflichtig, momool...
Langer Reed kurzer Sinn: dr Vogel muess wägg, und zwar so schnäll wie meeglig. Dä fiehrt uns in Abgrund. Je länger dä doob bliibt desto dänggbaarer wird s Undänggbaare: dr Abstiig. "Nie me, nie me Nati B!"? Glaub mir sette das nimme singe...
Ybrigens us em HV-Interview vo hitte in dr BaZ: Gab es Kontakt zu Timo Schultz? Von meiner Seite aus nicht, nein.
Sozialkompedänz = Null. Är het jo dä Drääner umsverregge welle, und denn noch dr Entlassig kainerlai Kontaggt? Dä Typ muess ewägg, und zwor so schnäll wie meeglig!